so üsi zyt in breckenridge isch abgloffe u mir heinis uf dsocke gmacht richtig kalifornie. zersch simer mau öpe 8 std eifach gfahre über bärge u täler wo eifach super schön si. fürne töff fan es tröimli. mir si när gad di ganzi nacht düregfahre resp. dr dään isch gfahre. z'evi u ig hei chli pfuuset ufem rücksitz. womer de gägä morge so richtig gran canyon fahre si hetz rächts u linx so büsch gha wo usxe hei wi hirschgwei. so isches drum o cho das mer no fasch 2 euche hei überfahre. dr dään u dr frey si no lang nächär gschockt xi. hehe. aber mir heis de dochno gschaft u si heil am gran canyon acho u hei dr sunneufgang chönne luege. leider isches nid gad wouchelos xi aber isch trotzdäm sehr idrücklech wisech dä riisegrabe het chönne biude. nachemne gmüetleche zmorge heimer de no dr räscht vo üsem wäg agfächtet richtig las vegas. irgendeinisch am namittag simer de dert todmüed acho. aber mir hei ke zyt gha zum schlafe. mir hei di "gamestadt" müesse ga bewundere. oder besserxeit partystadt. leider bini dr einzig xi wo öpis hät chönne ungernä wöu di angere ja zjung si. drum heimers haut me bim luege la si. aber i wirde sicher wider ga.... mit erwachsnige de!!! hmmm.. es isch aus wärme so imne disnay land oder e riisige europapark. eifach zfiu. u jedes hotel het eifach zersch mau es riise casino drin u ir nacht isches no fasch heuer aus am tag wöu as so lüchtet.
nach Vegas simer nach L.A. simer de dr küschte na ufe nach san francisco. dert simer äbä lenger gfahre ausmer dänkt hei dasmer de hei. drum simer ines biuigs motel ga übernachte u si de am nächste morge z'san francisco acho. das isch irgendwie nid e typeschi amistadt. sischmer meh inecho wie lausanne. aber isch idrücklech wi steili strasse si dert hei. u o da die bähnli wome schiins nume so cha ufstige wöusi so langsam fahre. isch äbä de nid so xi. isch äuä eh o numeno für touriste wi üs dänkt. choschtet 5 dollar dfahrt o wes nume 50 meter si.
nach 2 täg san francisco simer zum lake tahoe gfahre. dert heimer de z'evi usglade wöu si üs so isch ufe sack gange... hehe, nei seich. si het unbedingt no e tag wöue dert ga skifahre. drum heimer äbä no e chliine umwäg gmacht. lake tahoe isch eine vode schönschte fläcke uf dere wäut wohni bis iz ha xe. unbeschriblech.
so simer de im männertrio uf mammoth gfahre u hei dert de 5 angeri schwizer troffe wo iz mit üs wohne. chli speter si de z'evi u no aui angere schwizer uf mammoth cho. mtlerwile wohnemer z14th im huus. isch komisch xi nachem warme wätter, strand und meer wider id skichleider hüpfe. aber i hami schnäu dra gwöhnt. leider chani nüm flissig fahre wöui irgendwie mis chnöi ha kabutt gmacht. unfäu ghöre haut zu däm sport. iz wärdemer no 3 wuche hie si u när geiz de scho langsam wider heizue.
liebe gruess ashee aka andreas
Keine Kommentare:
Kommentar veröffentlichen